多謝 Blogger Tareworker 分享，對於在淘寶網進行購物的實行大計又更進一步!!! 雖然我依然未開始我的第一次，不過終於在淘寶網、支付寶、淘點開齊了戶口，下一步便是向賣家詢問資料，然後確認購物。
第一次於淘寶網購物，第一樣會購買的東西便是晚裝裙，因為10月打算去影pre-wedding photo，無論去哪裡拍攝也好，都希望帶一條屬於自己心儀的裙去影相。至於，第二樣會買的是婚紗，曾經有想過於同一間商店一次過買晚裝及婚紗，但擔心風險會增加，如果那間商店手工或信譽不佳，豈不是一次過賠上兩條裙?!哈哈~
啊...突然醒起，印章都要買喎!!!~ 睇黎應該先買印章玩下先，買晚裝裙又要揀款揀色，揀完又要度呎吋，好似好複雜咁.....
等我今晚試下過數去淘點試下先，如果成功咁就可以明天訂印章喇~!
你講得岩呀, 用淘點既匯率係高d 的, 我估多左既係服務費掛.
回覆刪除如果用支付寶, 咁你按左 "確認收貨" 後先會過數去賣家既支付寶戶口, 同埋如果賣家唔發貨或有其他問題 (多付了運費), 你可以要求退款, 咁樣就會多 d 保障, 用信用卡就做唔到呢樣野啦!
最好做埋個人認證添, 過程都好簡單的.
如果可以去實物店睇睇, 多d 信心, 之後返到香港想買多d 都冇問題.
我都係用信用咭比錢,不過一樣係收到貨確認左賣家先收到錢嫁wo,試過貨品有d問題,申請退款,d錢會入番落我信用咭戶口,其實我個人比較鍾意用信用咭,唔使下下去銀行入錢(我比較懶, 哈哈)不過唔好處係要收3%charge 同埋會買到停唔到手,(因為唔怕支付寶唔夠錢)
回覆刪除[版主回覆08/16/2010 13:41:00]其實計落好似差唔多....?!
如果o係淘點加$100人仔落支付寶要比HKD$118 ; 如果直接用信用咭要加3%即係HKD$(114 + 114x 3%) = $117.4, 其實真係差唔多.....唔駛下下去銀行....真係方便好多wor...嘻~
信用咭買計 HKD? CNY?
回覆刪除[版主回覆10/11/2010 10:13:00]信用卡買時係計CNY架....