繼Sweet Wedding & Happy Wedding後，最後便是租用媽咪衫的In Wedding。
由於媽咪身型比較豐滿，所以並不是每間也有合適她穿著的媽咪衫，最後經野豬太介紹及陪伴我先行到了In Wedding睇媽咪衫款，免得相約媽咪到場後發現沒有合她心水的便浪費時間。
因為之前在金都有睇過媽咪衫，所以我大概知道媽咪喜歡哪一類型的，她不要旗袍 (她說待娶新抱才穿著~
媽咪於大日子當天的早上與下午是穿著訂造的紫紅色套裝，到了晚宴便換了一套紅色+黑色的晚裝裙作迎賓。美中不足的是明明第一次試裙時這條裙的裙腳是沒有問題的，但到final fitting時這條裙明顯地被改短了，改衫師父說可以改返長度配合媽咪的高度，那我和媽咪當然相信改衫師父的說話，但最後結果是裙腳底裙稍長過面裙~!!!
幸好，媽咪到了敬酒時候換上另一條藍色裙，雖然也有小問題但感覺較迎賓晚裝好得多。因為In Wedding Sales說這條藍色裙是新返的，我不敢肯定媽咪是否第一個穿著 (雖然Sales是這樣說...)，但這條裙是過長的!!!而且這條裙只能往內褶入收口，所以我和媽咪要求褶後的長度要碰到地面多少少，否則比人見到裙尾一大舊的褶口便會很不好看~!
我對In Wedding (媽咪衫)的評分是*** (5粒*為滿分)
簡評: Sales待客態度加分，但改衫師父態度倒扣分!!!
詳細評價將於下一篇「(朋友限定) 婚享(6) 之 In Wedding (媽咪衫)」解說~
注意: 我只會add有寫婚禮網誌的blog友做朋友，因為網誌內實在有太多私人內容，不想被無謂人騷擾，短期內會將沒有交流或沒有再寫婚禮網誌的blog友從朋友清單剔除，希望可以繼續和大家在這裡暢所欲言~!!!
多謝你呀
回覆刪除[版主回覆07/13/2011 12:29:00]唔駛客氣啦......
大家o係yahoo blog認識都係一種緣份啊, 有時候係呢度同d blogger傾計會開心過同自己朋友傾架...因為大家都係身同感受麻~加油啊~!!!!
^^ 你好呀! haha~ 發現你所選的, 同我心目中的幾簡shop好似, 一路都有諗住租in wedding, 因為上年做伴娘, 新娘子就係o係呢間租的! 基本上我都幾滿意呢間的質素呀! 只係可能係因為租, 長度好難就, 通常都係內摺, 會無咁好睇! 但價錢算幾合理呢! ^^
回覆刪除[版主回覆07/19/2011 16:18:00]其實呢間d 衫真係唔錯....原本我都想o係呢度加件婚紗.....不過單租一件幾貴下...最後放棄左.....
唔知係咪做到出名左呢.....我見有d jm話d婚紗開始舊舊地...不過我諗應該都會keep住返新貨....所以你可以再望下先...反正你仲有時間....我諗你最遲2012年頭要揀到岩心水既shop......
呢段時間算係小淡季....9月開始至12月係超旺季...所以你想睇d shop多唔多衫...最好9月前去睇....9月後可能好多靚款都出晒街....好多間都係會咁架......
超多謝你的分享 好詳細呢! 你的意見都好有用 謝謝你^^
回覆刪除[版主回覆07/22/2011 15:29:00]唔駛客氣...我都係講返用家意見~
希望幫到你啦~!!!