繼結婚時整了靚靚婚甲後，不到一個月之後已經忍不住要換甲，因為夏天將至，婚甲真的很難襯衫，特別是便服look，好像挺怪怪的...
剛過去的星期日 (17/4) 又與我的好姊妹到了深圳整gel甲，今次是我九次到這間美甲店整gel甲 (第一次至第七次可詳見於愛靚扮靚 ; 第八次便是靚靚婚甲)。回想當初第一次去整gel甲的時候也是抱著擔心的態度，雖然時常聽到及見到好姊妹整gel甲的情況，但始終之前聽過有關到深圳整gel甲的負面消息，所以當時心情也挺緊張的。最後，當然是緊緊張張地出發，開開心心地回來吧!!!~接著，差不多每隔一個多月便會相約好姊姊一起去深圳整甲行街食野，每次也滿載而歸!!!
未曾到過深圳整甲的blogger可能會好像我第一次去般有擔心的情況，大多數的深圳美甲店當然不及香港的裝修&設備完善，但好姊妹介紹給我的那一間至少是乾淨衛生，每次上去也見到有很多香港人前來整甲，所以價錢與質量的呼引力大大勝於需要付出的時間。
拆下婚甲，換上波點甲，又豈會缺少我最深愛的紫色呢...
-底色: 裸色+深紫藍色
-白色lace畫花邊
-白色大波點 & 粉紫色細波點
- 每隻手指畫花lace邊V位只加了一粒靚閃石...
今次沒有雕花，所以只是六十大元而已 ; 整甲後還可以盡情地去食酸辣紅薯粉，雙重平靚正~!~!~!!!
依個款幾靚wo~~ 100大元都唔使，真係抵玩~~
回覆刪除不過大約可以keep幾耐??
[版主回覆04/20/2011 21:18:00]我之前幾次都KEEP到大約1.5個月至換甲....有加閃石的都好少甩石，大陸整GEL甲後可叫美甲師剪石 (我唔知香港有無呢樣野....)，即於閃石面剪去GEL層，閃石可以更加閃!!!~^^
呢個甲款係我睇美甲店既日本美甲雜誌，合併兩個款而成的....當然底色比我轉了最愛的紫色~~~~~
好靚呀!!!!!!真係整得好好睇,仲要好抵le~~你在深圳邊度整ga??
回覆刪除[版主回覆04/21/2011 00:19:00]「櫻雪專業美甲店」
地址: 深圳市東門九龍城四樓洗手間旁321A、321B、388號美甲鋪 (10:00-22:30)
好吸引，價錢抵，但款真係唔差喎，心思思都想去試試，不過我都係結左婚就唔上癮，會停果種人，粗魯嘛。
回覆刪除[版主回覆04/21/2011 16:42:00]係呀...d款一係自己帶圖/相比美甲師跟住整; 一係從d美甲雜誌揀款比美甲師整....缺點係無香港果d會幫你諗埋點整lor....同埋有d新d既技巧佢地係未識整....噴花果d暫時未有啦~~~~
haha....我原本都好似你咁諗架...結完婚就唔再整...但咁鬼平....係香港拆甲都差不多係呢個價....心思思就會上癮...同埋....結完婚都整返d唔加太多石既款...方便做家務麻......況且拆甲後至少3-4個月d指甲會唔好睇...我唔想一結完婚就比老公見到d唔靚靚既指甲....
你哩個款己經証明左....技巧都唔係問題啦..我而家買左 package 剛好一個月試一個款, 試到結婚前一天整埋就完囉...但其實三個星期都好長, 好想整走佢架...但又唔想買多一次咁實好貴..所以我估會在外整返一次了
回覆刪除乜拆甲後要咁耐先正常返架...?不過我真係好懷念短甲同短髮的日子呀..我仲同男友講, 結左婚第二日還完衫後, 可唔可以比我去剪返短髮先上機呀...
[版主回覆04/21/2011 17:22:00]係大陸整甲要望住佢整架...一唔對路要即刻出聲.....^^
其實可能你既指甲生長速度快....所以3星期都好長...我最耐試過差不多1個月+2個幾星期之後至轉款....通常係1個月鬆d啦...因為都係整開果個朋友一齊去整麻~
係呀...整左gel甲之後自己本身d指甲會軟d....所以一定唔可以留太長....同埋最後一次整完(即係拆甲後唔再整gel甲)拆甲時叫美甲師唔好整太薄...如果唔係等果段正常返既日子...d指甲太軟會唔方便.....
我結完婚...訓到第2日下午...原本想還晒衫去剪...不過臨時要同屋企人食飯....所以第3日訓醒到下午即刻去剪頭髮...跟住晚上搭飛機去honeymoon~~~~^^
請問你東門整果間, 有無電話, 洗唔洗約??
回覆刪除可唔可以比電話我? 我明天上
[版主回覆07/22/2011 18:07:00]我無帶卡片o係身呀...你可以直接上去...果度有好多技師...我搵開阿桃(或者叫高妹啦~)...我甲腳搵開阿惠...兩個都係後生女....你可以試下啊~
「櫻雪專業美甲店」
地址: 深圳市東門九龍城四樓洗手間旁321A、321B、388號美甲鋪 (10:00-22:30)