由籌備婚禮開始，已經一心打算為姊妹們於淘寶訂造姊妹裙 ; 因為我睇過香港的姊妹裙店，大部分也是由大陸入貨再經香港人手修改至合身呎吋，既然如此，何不直接向大陸訂貨呢?!
淘寶的確是籌備婚禮的好幫手，因為我為姊妹們訂造的姊妹裙也是在淘寶訂購的!!!雖然價錢不算是最平，但要知道在淘寶購物並不是最平是最好的，質量也很重要，由於我之前已經幫襯這間「格格的嫁衣」淘寶店，所以我對老闆娘絕對有信心!!!
以下是「格格的嫁衣」淘寶店由老闆娘親自示範的相片:
(詳見這篇網誌: 最終姊妹裙款式)
以下是姊妹裙及伴娘裙之實物及近鏡:
(詳見這篇網誌: 姊妹裙真身暴光了~)
姊妹/伴娘裙質地: 面層厚緞，底布與面層之間有硬網，上圍內有加墊。
以下便是當天姊妹穿著的姊妹裙相片:
伴娘所穿著的是粉紫色裙，兄弟's相機拍攝的顏色效果顯得淺紫偏藍，實物其實是淺紫色的。
折合不到HK$100/條的姊妹裙，真的很抵買!!!5條裙的呎吋只有2條裙略有偏差，不知是姊妹們瘦了還是她們給我的呎吋不準確，有偏差的是兩個上圍較為豐滿的，可能賣家擔心會谷肉所以預鬆了呎吋?!haa
總括來說我是滿意的，因為賣家過年後有很多訂單，但由於我是過年前已向她說明我3月要用，所以她也很快速地發貨給我，要不是我後加訂單，訂造呎吋其實由拍貨至送貨只需1星期時間，而且快遞公司只需約3個工作天便送到我手上 (我收貨地點被順豐定為偏遠地區，但賣家的快遞不需額外加附加費呢~)。雖說是訂造，其實也是大中細碼改紙口位的，但改後依然有少量紙口位在兩側，要是呎吋真的有偏差也可以自己再找人修改。
香港修改的價錢由$40-60不等，視乎修改複雜程度而言，如果自己識人懂得改衫，更加不用擔心不合身的問題了。
p.s. 由於之前答應了blog友們會上載姊妹們試裙後的相片，但之後一直也很忙，所以索性先寫這篇婚後評價連當天相片給大家睇呢~
終於開始打返blog la~
回覆刪除好期待你bday o既相!
就甘睇 婚後第一感~ ，
o的相都好靚!!
[版主回覆04/04/2011 18:57:00]haha...係呀....好多野要婚享...想趁記得時打多d blog......
我有遺憾架.....就係d speech bubble無咩點用...一來自己太忙...二來兄弟姊妹唔太知呢d點用...有兩塊係送完客見到係迎賓枱後面地上至記得佢地既存在!!!!>_<
個價錢真係好抵呀! 同埋最緊要size 都係差唔多, 我買既就一半半啦~
回覆刪除[版主回覆04/04/2011 18:59:00]我買呢間算唔錯.....d size都ok......因為姊妹d size唔係我幫佢地度....有d係拎自己著開既裙照度size...可能因為咁所以唔準....因為我有拎過d姊妹裙度size....同我比賣家既size真係無咩出入架~
所以係淘寶買野真係都要靠運氣.......^^
d姐妹裙好靚!!
回覆刪除其實大耐big day前幾耐要開始訂
如果預太多時間怕姐妹會肥左/瘦左
太少又驚佢起唔切貨....
[版主回覆04/07/2011 23:59:00]Thanks~~~我係最後一刻至改呢個款....之前一直打算用雪紡裙.....好彩最後轉左用緞料裙~~~^^
um.....我幫襯呢間訂左5條...後加3條....total前後唔駛2 weeks....我諗最好big day前1個月-1.5個月要收到貨.......預時間可能有d姊妹要改裙......
如果驚肥左/瘦左...就要問定每個姊妹預計自己會keep到or會再fit喇...hahahaha
你好呀, 剛剛係網上找淘寶姊妹裙, 咁就搵到你的blog, 真係好多資料呀, 可以add埋我嗎？ Edith
回覆刪除[版主回覆04/08/2011 00:03:00]好呀...無問題...我已經add左你做朋友喇....你都add返我啦~
有時間大家交流下吧!!!^^
我都揀咗呢款做其中一款姊妹裙等班姊妹投票, 你班着得好靚ar
回覆刪除[版主回覆04/08/2011 00:06:00]其實有時可能自己鐘意既款...姊妹未必鐘意....但我既大前題係想班姊妹著到條裙....而唔係要班姊妹去襯條裙.....所以我諗既款係會諗咩款可以著到佢地最靚....咁自己靚靚之餘都想一班姊妹一齊靚靚~好彩我班姊妹好信任我...交比我去揀.....我最驚順得哥情失嫂意呢d事發生....^^
真係好抵喎~影相出黎既效果又唔錯!!!!
回覆刪除[版主回覆04/11/2011 11:59:00]係呀.....呢個款係香港都好多做姊妹裙既地方有見過...雖然唔係咩特別款..但勝在咩姊妹身型都會著得好睇...同埋係淘寶訂造可以自由揀色都唔駛加錢....^^
我add左你,但係係一般blog友.
回覆刪除[版主回覆04/11/2011 12:03:00]haha...咁你add返我做朋友...我又add你做朋友...咁以後大家可以交流下啦~~~^^
好靚呀...我都想要taobao 店的link
回覆刪除[版主回覆05/31/2011 12:05:00]我幫襯之前訂過既賣家...詳情見以下呢篇網誌:
又一次搵到筍貨 @ 第三次淘寶之旅
你好, 我是淘寶新手, 我想於淘寶訂造姊妹裙, 請問有什麼要注意呢?
回覆刪除如果叫姊妹度身?她們要給我什麼尺寸?胸, 腰, 臀?
但我的姊妹有幾個比較胖, 不知紙口位夠改嗎?
另, 如果她們feel到我是新手, 會欺騙我嗎?
有一點擔心...(T^T)..想向你請教, thanks~
[版主回覆03/20/2012 12:05:08]你好呀....其實o係淘寶訂姊妹裙最緊要係...d呎吋度得岩....因為好多淘寶店都包改or可以揀度身訂造, 咁可以唔駛收貨後又要搵人改裙....
最一般係要比胸圍, 腰圍, 臀圍及身高or裙長...有d淘寶店會要你度個人既身高比佢...佢可能會幫你預返裙長...有d淘寶店要你比由膊頭經胸最高點度至你想要既長度....所以間間唔同...你要問清楚淘寶店要咩要求~~~~
另外顏色都可以訂造, 但實物同色板一定有出入!!!!你要考慮呢個風險...一係睇佢post出黎既相....問返佢係邊隻色...咁要出入小d......
如果佢feel到你係新手....佢未必會呃你....始終係明碼實價既...放心~~~^_^
有咩問題可以再問我~~~~~~~