其實一直不想分享有關兄弟團的相片，因為每次見到也令我十分嘆氣!!!!!!!!!!!!!!!真的問10萬個為甚麼也不會預計到最不會出問題的竟然出了問題，簡簡單單的黑色西裝褸西裝褲、白色長袖恤衫、黑色皮鞋，原來真的不是每個男人的必需品~!~!~!~!!!
曾經睇過一套外國電影還是電視劇，當中說到每個女生也應該在自己的衣櫃裡總有一條黑色短裙，準備去約會或是派對的 (我自己的衣櫃裡也當然有吧，最基本的東西麻~) ; 而黑色西裝皮鞋&白色恤衫便是正常男人應有的最基本服飾.........
伴郎是老公排第3的親弟，另外兄弟團是4個老公朋友，老公排第2的親弟便幫手一起接新娘 (6299要求7出8入，7個人出發接新娘, 要8個人入男家門)....
幸好的是，老公的朋友兄弟中有一個是完全滿分，黑色西裝+黑色皮鞋，由朝早到晚上均沒有走樣，十分抵讚!!!!
至於，老公的親弟們，當然無問題啦，因為我在鴻運各租了一套西裝禮服給他們......
以下便是兄弟團相片:
天啊，為甚麼老公的兄弟團與我想像的差天共地呢?! 我之前見到別人的一對對相片 (即是新娘新郎企中間，接著伴娘伴郎一起企側面，1兄弟加1姊妹一對對的排位) ，我覺得很有型，不一定要新郎新娘企中間，接著左一排姊妹加右一排兄弟乖乖的排排企，可是，我完全提不出想有這樣的一對對排位，因為很難看!!!!
雖然我班姊妹團不是100%整整齊齊，但相比兄弟團，我認為姊妹團整齊得多.....
其實只有一個姊妹我沒有預料她會穿著黑色鞋，其他的姊妹也是穿著淺色鞋，令到穿著黑色鞋的她比較突出吧......至於披肩，我沒有要求她們一式一樣，因為我不想姊妹們好像穿著制服般吧，這樣的感覺也不錯啊~!
以下是於世紀見証的大合照:
到了下午註冊時，有兄弟已經連外套也脫下，露出他的短袖白恤衫 +長袖底衫; 亦有另外一個兄弟脫下領帶又遺失了襟花!!!
以下是於煌府188的迎賓前大合照:
姊妹們很自動自覺地排排企，伴娘每次影大合照也沒有離開過我，相反地，伴郎沒有哪一次是站在新郎旁的 ; 其中兩個兄弟脫下了外套 (未知是因為自知外套不好看還是與起很熱所以脫下外套)，明知影大合照也是甩皮甩骨般~!!!!
我當然很厚道地沒有在兄弟們前表現不滿意，明明兄弟團有一半已婚，應該有經驗的吧?! 相反地，我的姊妹團真的第一次做姊妹/伴娘，所以有甩漏我絕對可以理解 (要話我擺明偏幫姊妹團，我也是這樣說的~)!!!
沒有完全確實地說明dress code也應該知道穿著粉藍色鞋是不能與其他兄弟顯得整齊感覺吧 ; 短袖恤衫+長袖底衫的「Fashion」組合，我真的不懂亦不能欣賞.... 還有的是，要脫下外套也應該將襟花扣於恤衫上吧?!
其實可能這些對其他人不算是甚麼大事，但我已經沒有甚麼要兄弟團準備，我只想他們每個整整齊齊的出現便已經足夠，可是......他們真的成了我婚禮上的遺憾~
有時有d事係無法預計到, 呢d人為事更加control 唔到!!!
回覆刪除[版主回覆06/02/2011 11:34:00]唉....所以美中不足就係咁解.....可能明明事先可以講清楚d...但我一心諗住唔駛講咁明都應該知卦.....而且佢地知道婚禮主題係紫醉金迷.,,,婚前有約出黎食飯gathering...果時我已經有比過check list佢地睇...班兄弟仲笑我寫得咁詳細.....但原來只係過眼雲煙....睇完就算......好彩第一次做姊妹既姊妹們表現都無令我失望........好過班有一半係已婚既兄弟!~
我都好唔鍾意d兄弟團無啦啦有人著到好標新立異咁 著藍色鞋果個就固然之有問題 (當自係係主角咩?!) 果個短恤衫既係唔係有點兒那過呢=.="""(請原諒我的直接) 所以到時我都會講明個dress code，有d野真係會"估佢唔到囉" 呢d咁無可能發生既野永遠都會係你意想不到既時候就發生~"~
回覆刪除[版主回覆06/03/2011 12:58:00]我就係漏左問老公佢班兄弟係咪office人 (即係如果返工係坐office, 咁西裝恤衫皮鞋應該係最基本而唔會無啦...), 藍鞋人係老公最friend既兄弟.....竟然佢既衣著係最抵鬧果個.....@_@
我都好後悔無自己同班兄弟講dress code, 因為老公有問過我, 我只係有同老公講話只要佢地著黑色西裝+白色恤衫+皮鞋就ok....無皮鞋就著黑色鞋啦......點知著對粉藍色黎....激死我!!!~
至於短袖恤衫果個...簡直係好唔尊重lor...小朋友都知唔會咁樣著去婚禮啦....唉........
呢d預計唔會發生既野最後都係發生左....真係一個遺憾....所以有得避免真係要好好預先講明比佢地知啊~
見到你這個情況...我諗我都會想d姐妹鞋盡量一致..但兄弟就真係要男朋友去講...始終不敢要求咁多><"
回覆刪除[版主回覆06/03/2011 13:02:00]其實我有諗過想班姊妹統一鞋色, 但我唔想連鞋都買埋比佢地(好似制服咁)....但又唔想佢地特地去買一對鞋for我結婚果日著......所以諗住佢地會自動波自己襯, 我有講過條裙襯淺色會睇好d (即係講披肩&鞋), 但著黑鞋既姊妹事先無問過我架....所以我事先都唔知佢會著黑鞋....如果事先知道一定會叫佢買對淺色鞋lu...>_<"
至於兄弟...真係要靠你男朋友去提醒...仲要講到明你想要既dress code, 費事男人思想與女人想法有出入.....我曾經有諗過去G2000買西褲恤衫比兄弟....係老公話唔駛...白恤衫應該個個都有.....結果.......唉~
....唉.. 我都明好難控制到d兄弟團既.. 因為姊妹團有時都好難控制啦!! 至於兄弟方面, 短袖恤衫+長袖底衫我都接受唔到!! 如果我係佢, 屋企冇長袖恤衫,又買唔切既.. 當日我會打死都唔除外套囉!!! 至於藍色鞋果位, 未必係屋企冇黑鞋lor, 可能佢覺得咁樣係型.. 所以先會咁著...
回覆刪除不過你又好難開口叫班兄弟團點樣點樣.. 我而家都好驚, 因為我叫男友同佢班兄弟d衣著, 佢都唔係好願仲話牛仔褲都ok 呀 >< 至於姊妹而家決定左做長裙俾佢地, 起碼唔驚d鞋先啦!!
[版主回覆06/09/2011 17:12:00]唉....男人唔會明我地心態架喇...佢地覺得無咩問題架.....不過我真係估唔到.....短袖恤衫+長袖底衫會出現係自己婚禮~!!!!!!至於藍色鞋果位...我知佢係特登襯好似覺得好型咁.....只係我不斷自我安慰話佢無黑鞋....@_@(我唔敢同老公投訴架....你知啦...男人同男人邊會計較呢d野架....)
其實我之前都有諗姊妹著長裙都可以煩少鞋呢1 part, 但因為我班姊妹有高有矮, 所以都係短裙感覺好似好d.....^^
MU 我搵左朋友做呀, 係資深化妝師, 但佢地化妝就係化妝, 唔會 set 頭... 咁我又要搵 MU 幫媽咪伴娘姊妹化妝, 諗緊好唔好 book 一個幫我 set 頭同補d 錢化埋"班女人"丫... XD 咁樣計應該平過我另外 book 個髮型師既... 依 part 同姊妹裙我覺得最煩, 好彩唔駛太急既... 不過都係時候要攪 >.<
回覆刪除[版主回覆06/10/2011 12:05:00]但你既姊妹團有幾多人呀?!我結婚時自己MUA幫我化妝攪頭...另外搵兩個助手幫媽咪&1伴娘+4姊姊化妝攪頭.....時間都係岩岩好...唔係好夠時間.....所以你搵人化妝要計返時間呀...你預大約45MINS化一個姊妹妝,如果係簡單既SET頭可能30MINS都可以攪掂1個姊妹既化妝+SET頭......^^
如果你想淨係搵SET頭既....咁變左一定係攪掂晒你既頭至會幫佢地化妝....時間上又少左d....所以最好要搵個有助手可以一齊幫手既就最好喇~~~~