希臘女神這輯相一共有18張，當中要挑選好幾張做油畫、大相、音樂盒相片、簽布 及 相簿封面封底等，所以我只揀了其中幾張放上來給大家看一看!!!
第1張單人照是自己最鐘意的，老豆說這樣的三七臉是顯得我最靚的一面.....(老豆很少讚我架...嘻~)
以下這張做了最大油畫....
以下這張顯得我有點小鳥依人的感覺嗎?!(平時要有這種感覺是很難的，我咁高大...唉~)
以下這張原本是自己撥婚紗拍攝的，但最後還是撥得不漂亮，麻煩助手哥哥幫忙了~
以下這張其實是未來老公鐘意的，我自己覺得與下一張合照好像差不多呢~
原本想挑選這張做大油畫，但大Zoe說因背景比較深色，婚禮後放在家中會有點壓迫感覺!!! (最後選了做第二大油畫...)
就是這條不落鋼紗著的紫色晚裝裙，所以只揀了坐下這張相而已...
未來老公又喜歡以下這張相，而我自己就一般，不喜歡這個造型及不喜歡沒有落鋼紗著這條紫色裙!!!!
所有製成品要待2月尾才可取件，希望到時順順利利吧~!!!
相關網誌 :
Pre-wedding photo (Free Package) @ 希臘女神
Join pre-wedding photo @ 希臘女神 + 法國婚紗
好靚呀^o^ 尤其是第一張呢!!good good
回覆刪除[版主回覆01/06/2011 15:23:00]我自己都好鐘意第一張呀!!!!~
呢輯真係影得唔錯...後悔無買多d相...因為當時諗住free package....好忍心地cut走好多相.....
影得好靚呀~~D衫又靚
回覆刪除我都好想快D到影果日~~~
[版主回覆01/06/2011 16:24:00]可能因為輕鬆心情影反而效果不錯吧~!!嘻~
我記得影希女果日係20/10....返大陸影係14-15/10,岩岩去完大陸影無耐就去希女影....所以係好隨意咁影.....你到時記住以輕鬆心情去影就靚靚架喇!!
你揀衫果日記住問定Staff到時落唔落鋼紗著...我套紫色晚裝就係影果日無落鋼紗著攪到一舊菜咁....呢套衫淨係揀左半身近鏡or坐係度既少少相ja....全身相一張都無揀....!!!
好靚呀!!!!!
回覆刪除[版主回覆01/06/2011 16:25:00]Thanks!!!~
我自己暫時最滿意係呢輯相呀....
真係影得靚~~你個樣好SWEET~好有女人味
回覆刪除[版主回覆01/06/2011 16:32:00]嘻嘻...多謝你呀!!!!~ 呢輯係第5輯影.....所以影到「架輕就熟」喇......
我媽咪話呢輯相影我既角度係最好睇....我自己都估唔到...所以上次睇完相已經覺得好開心影得好靚.... (難得未來老公主動話唔買相唔加相就浪費晒....佢仲興奮過我.....!!!)
其實希女幫我未來老公化既妝都幾好呀....因為佢本身眉毛比較稀疏...之前其他pre-wedding有d畫到好唔自然...希女幫佢化到佢自己都好滿意!!!
第一張真係笑得最甜啊～靚！
回覆刪除[版主回覆01/06/2011 16:47:00]Thx!!~
我原本想晒第一張做大油畫架...但費時無未來老公份....不過第一張係warm up左無耐....最佳狀態時影既.....(影完呢輯既時候..仲想影多幾輯架...越影越開心....不過未來老公唔制~hee...)
所以最初決定分散投資...無投資晒係同一間影婚紗相係無決定錯......因為真係要warm up下至識笑......(自己同未來老公本身都唔知點笑至好睇...係影得多至捉摸到ja~ )
嘩,真係影得好靚呀!!!!!!!!!!!! ^^
回覆刪除[版主回覆01/06/2011 17:16:00]多謝你呀!!!~
你都就黎去影喇wor?!我之前對123都有d興趣架....我都期待你既影後分享呀!!!!
好good呀!!!! 10個讚 ^^
回覆刪除[版主回覆01/07/2011 12:34:00]Thank you so much!!
影完呢輯之後真係影上癮...如果未來老公肯...我仲想影tim架喇.....你知啦...結婚後一定唔會再影lu....
影得好靚呀...
回覆刪除[版主回覆01/07/2011 12:38:00]嘻嘻...多謝你呀!!
唔知fb果輯會唔會好似希女呢輯影得好呢....話晒fb係最後一輯....希望有個happy ending啦....不過如果影得好...即係又要出血了..... ....所以好矛盾呢!~
不過我真係好鐘意你係fb門口灑花瓣呢張相呀....我鐘意呢d感覺!!!!我記得係fb一開始影就係影門口...通常一開始未warm up...所以我d門口相應該影得麻麻lu....
呢輯真係影得好好呢~~~冇買多d相真的浪費了...
回覆刪除[版主回覆01/07/2011 12:42:00]係啦...呢輯係唯一既一輯嫌買得少相 or 嫌自己太恨心cut相...(可能係剛剛去完柏芝睇相狂加相之後去希女睇呢輯相...果時心態係cut得就cut!!!)
所以呢個重任交比你喇....到你影相時記得選擇下希女喇~(用家真實意見...並唔係賣廣告...hahaha )
笑容100分!!!!俾個like你!!!
回覆刪除[版主回覆01/07/2011 12:44:00]Thx!!!~haha...其實我睇返自己個樣...好似張張既笑容都差唔多咁........
係攝影師要我比d牙佢....所以要我係咁笑...不過有幾張係攝影師想引我未來老公笑...引唔到佢笑反而係引我笑到收唔到聲之後影既~
我最like第一張~~~其他都好靚呀~~
回覆刪除[版主回覆01/07/2011 12:45:00]我自己都係最like第一張....好想放上facebook但又驚咁快比d朋友睇過晒...到結婚果日無野睇......所以唯有放上黎呢度...比你地睇下先~!!!!
你d相映得好靚呀~~~好sweet~~
回覆刪除[版主回覆01/07/2011 12:48:00]Thanks!!~
雖然我未睇係fb影果輯相,,,但我直覺覺得希女呢輯會好過係fb影果輯.....因為我都覺得係fb幫我影果個攝影師真係麻麻....(我同你既應該唔會同一個攝影師吧?haha...我係酒樓送既free package黎架~)
第一張好甜呀 ..
回覆刪除[版主回覆01/07/2011 14:59:00]多謝你呀~
我自己都好鐘意第一張相....周不時係手提開黎睇...人地見到唔知咩事以為我係自戀狂....
我個個就冇謂提啦~~不過我冇去映希女呀~因為我之前踩上門問過野, 但個sales姐姐十問九唔知咁~所以冇揀到去映~~
回覆刪除[版主回覆01/10/2011 10:25:00]我都不寄予厚望係fb果輯相.....haha
講起希女既sales姐姐態度.....真係....可能因為咁樣而希女會少左d營業額!!!~
我係因為有酒樓coupon, 所以算係有個Sales Manager負責跟酒樓coupon客....其他sales姐姐好似知我係酒樓coupon客而唔係普通客所以唔想點理咁....又或者好似你咁講10問9唔知~!!
我都覺得玫瑰背景係最靚~
回覆刪除[版主回覆01/10/2011 10:28:00]haha....你係玫瑰背景影既都靚靚呀~~~~~
希女比我既感覺係唔同一般傳統香港婚紗攝影公司....好似係果d公司既人自己出黎開呢間公司咁呀....
呢輯真係影得好靚喎,笑容好甜美~~
回覆刪除[版主回覆01/10/2011 10:35:00]係呀....我自己都最鐘意呢輯呀!!!
之前就係驚呢輯加相加得犀利...所以特登安排先去睇左大陸果輯相, 跟住至睇希女呢輯.....結果就係無忍手係大陸果輯猛加相....反而希女呢輯就因為大出血完大陸果輯所以好忍手......
不過其實希女呢輯既婚紗look我差不多每個景都有揀到....cut走既相大部分係晚裝look....因為條裙無落鋼著...企係度既相完全唔得所以無揀到......都唔知係好事定壞事.....
希臘女神影得好靚呀~~~~
回覆刪除[版主回覆01/10/2011 10:37:00]係呀.....真係影得唔錯架!!!
我自己都估唔到free package coupon影都有呢個效果......不過可能係心態上諗住係free package coupon所以係無咩壓力既情況下輕輕鬆鬆影呢輯相呢....嘻~
wow影得好靚呀~~
回覆刪除你咁忍到手唔+錢買相既.我估你其他個D都好靚.
[版主回覆01/10/2011 10:45:00]Thanks!!~
因為睇呢輯相之前剛剛係大陸果輯大出血加左120張相....未止完血就睇呢輯相.....所以果時好忍到手無咩點加相.....
不過其實希女呢輯都已經出左血...因為本身係free package coupon, 唔包soft copy...我跟住要買返晒package包既12張相...之後再加6張相囉....(希女既free package要買相係要一買就買晒package果12張相先...跟住至可以逐張再買相!)
好彩男朋友都鐘意呢輯相....Sales Manager游說我地 upgrade plan時我未出聲佢已經話join...仲話已經係諗究竟淨買soft cpoy定再要埋包執相, 相簿 & 油畫果個plan.....
但呢次之後...男朋友就已經話左唔再加影其他未約既婚紗相lu.....(因為自己有d遺憾係無影黃昏or夜晚景既婚紗相!!)
我都係煌府既人黎架
回覆刪除我係始創煌府既jm.
所以都有free coupon.之後upgrade左.
唔係王子既婚紗城. 係大陸有個地方叫婚紗城wor.
不過我都唔係好熟我bf要睇埋我影左希臘女神ok唔ok
先再同我影王子呀.
[版主回覆01/10/2011 12:01:00]我記得呀...大家都係煌府人麻!!!即係你係upgrade左2600果個plan啦....希望你到時都影得靚靚啊!!!
記住到時同攝影師講你鐘意邊條裙多d or 鐘意邊個景多d....攝影師會集中火力,,,如果唔係...每個景都平均影張數.....有d景未必個個都鐘意架....因為有d係可愛feel...有d簡約feel....etc.~
係咪呢個---> 天使之戀 - 東莞婚紗城 ?! 188有jm去影完黎呀....嘻~
咁係咪影左希女ok就唔影王子定影完希女唔ok就影埋王子???如果係後者...影完希女就算ok都話唔ok...咁可以影埋王子~~~~
因為其實我係想影多輯雙人既OUT DOOR, 咁依家希臘女神都係INDOOR ONLY.
回覆刪除依家好慘囉.因為我BF如果我希臘女神+錢要相.咁即係喜歡希臘女神. 咁如果影得靚我又好想買相WOR.但係如果我+就冇得影王子囉一定. 所以要取捨. 如果希臘女神真係影得超靚.我都會唔影王子既~~我估.HAHAHAH
不過我BF呢, 就覺得我D 相又未睇又點知唔靚.所以唔俾我未影希臘女神就話要影王子. 在佢地黎講.係影多輯.唔理係INDOOR定OUT DOOR.
但係我地就會係分.景公司HAHAHAH
因為佢話我希臘女神睇得好又話要+相WOR..
[版主回覆01/10/2011 12:26:00]haha....男人與女人既思想/想法就係咁唔同喇....其實影完果刻都知道果輯o唔ok架喇....可以係果時同男朋友商量定啦.....^^
不過希女既indoor景唔係有好多....(我無記錯upgrade plan都好似係兩套衫...) 所以你upgrade左plan之後既相片數量都應該夠....就算加相都可能只係加10張以內啦.....跟住你又可以嚷著說要影埋王子果輯啦....男朋友錫你既話會就範既...嘻~
HEHE
回覆刪除其實佢自己都UP. 自己會心軟.不過又唔可以即刻應承
話唔想太影應承.而且佢話我有未影既係手
唔俾我未影晒就再JOIN呀....
咁只好等囉
[版主回覆01/11/2011 14:57:00]即係影完希女都可以影埋王子啦....咁就好喇!yeah~~~
如果係咁....你要加油呀...到時要影d靚靚婚紗相返黎....跟住擺上同我地分享呀!!!
影得好靚呀! 希望我個輯都可以好似你咁影得咁靚
回覆刪除[版主回覆01/11/2011 15:00:00]haha...thanks!!~
你到時都會影得靚靚架.....不過要有心理準備影得靚會大出血!!!