22/12於淘寶訂購的派對用品及氣球，24/12已經收貨，由於賣家只有順豐速遞，所以又一次使用又快又貴的順豐速遞了!!
今次買了很多東西，包括鋁質氣球、Marie 立體氣球、相片氣球、派對帽、紫色紗網、啦啦棒 (即是去睇演唱會使用的棒棒 ; 我明明要30條紫色，賣家給了10條紫色，另外的20條是黃色+藍色+白色!!!激死了~)、生日快樂牌、充氣泵、氣球絲帶、氣球及花瓣etc....
RMB$1.8的18吋鋁質氣球很抵玩，除了有Happy Birthday字樣之外，還有Love 或婚慶主題，這款鋁質氣球泵氣後不會自動走氣，方便又快捷!!!!
上圖是表弟在會所舉行2歲生日會的簡單佈置，掛在正中間的便是RMB$4.8的生日快樂掛牌~ (中間比較細少的鋁質氣球是賣家送給我的，共送了3個~!!!)
另外，我買了珠光氣球，分別是淺紫、金色及深紫，因為我要打造紫醉金迷的婚禮!!! (因為打算會砌圖案，所以買了6吋氣球，這款是比較厚一點的國貨珠光氣球 ---> RMB$18/200個)
(上圖是無開閃光燈影的效果)
(上圖是開了閃光燈影的效果)
還有的是花瓣，之前在筍崗逛了好幾間也沒有金色的，剛好在這間淘寶店見到有金色花瓣 (每包RMB$4.5/約120片)，所以一併購買，不過我暫時見不到有深紫色的花瓣啊......
另外買了大紅色 & 粉紅色花瓣 (每包RMB$3.8/約120片)，打算灑在床上或註冊時使用~!~!!
還有啦啦棒及相片氣球及其他配件，下回分解......
haha...woo...o個真淘到寶啊!!hehe^v^
回覆刪除我都買o左汽球做deco...家陣仲諗緊買唔買花瓣...因為我唔會買花炮...但若果買花瓣究竟註冊時用!?!還是進場用好呢!?!hehe...煩惱ing...hehe^^
[版主回覆12/31/2010 10:29:00]如果你唔用花炮...梗係買d花瓣用下...如果到時興起想搵d野灑下....有花瓣都好呀....
你註冊&擺酒是分開的嗎?如果係.....註冊&進場都可以用花瓣.....不過我自己覺得註冊時用感覺好似好d.....同埋進場時用....灑完果d花瓣係晒地下.....又唔可以即時清理....又跟住開席....好怪怪地咁.....
期待你紫醉金迷既婚禮!!! ~~~~~~~
回覆刪除[版主回覆12/31/2010 10:32:00]Thanks!!!~
其實我自己本身鐘意紫色+銀色...但銀色有d似白色...未來6299唔多鐘意...最後至決定係紫色+金色...希望感覺都唔會太差......
到時我一定會叫攝影師係咁影相...仲搵多個朋友幫我影snapshot....嘻~
果然大豐收...Marie 立體氣球好靚呀!!!
回覆刪除[版主回覆12/31/2010 10:33:00]haha...個Marie立體氣球RMB$3/個...不過側面睇靚D...正面望埋去挺怪怪的...都係貪得意見平平地買黎玩下....
Marie貓本身係白色...好大機會唔可以出現係婚禮上面lu..... (因為未來6299唔鐘意白色.... )
好期侍你的下回分解呀~~~
回覆刪除不過都想問下你在淘寶邊間買呀??
[版主回覆12/31/2010 10:39:00]haha....過兩日會下回分解....昨晚忘了影相...分解唔到...嘻~
我幫襯以下呢間:
http://diyballoon.taobao.com/
但呢間野執貨果個唔太好...事後我要同賣家argue我收到既貨同訂既數量不一致.....(我訂45個派對帽子, 收貨只有35個....賣家說數量有缺少在所難免!!!買45個缺10個都叫正常lor...之後我咪嘈佢要扣返錢...最後佢都肯扣返錢....)
太好了, 買左咁多好野, 開party 又得, 婚禮又得
回覆刪除我都要睇睇有咩係開party 岩用先, 有 party 的紙碟 / tissue 嗎 ?
我都想買多d 花瓣啊, 佈置188的 photo table. 你知道188有好長個d 白色羽毛嗎 ?
其實你99唔鍾意白色, 但係188好多牆都係白色架bor.....
[版主回覆01/03/2011 15:14:00]有party tissue架...婚禮既都有...不過係淘寶訂既唔知質素係點...有隻叫M+ Design tissue好多款...直接係呢間公司要一次過5000小包....(即係平時用開果d Tempo咁....)係淘寶可以散買...但要搵間賣真貨既至好買lor~
你有無興趣買呀???如果有...可以一齊買wor...嘻!
188都有你所講果d白色羽毛 (你睇下呢篇-->「 雙方家長初次見面食飯 @ 煌府188 」，我有放到188既相係入面」)....不過應該係已經固定左係接待處果張枱度....
上兩次去好似插左d花羽毛中間架.....唔知拆唔拆得走....
我諗住到時加d金色花瓣係d白色羽毛中間...混淡白色感覺...跟住台度加d紫色氣球....牆身無辦法...唯有果晚盡量唔好打白光燈....哈哈~