睇相 @ 希臘女神

昨晚準時19:00去到希臘女神，職員帶我們上1/F直接入了一間房，大Zoe已經坐定定等緊我們，全程也是由大Zoe招呼我們的。

10月20日由10:00到達希女，直至15:00離開，一共拍了108張相，原本27/10可以睇相，因為我想先睇柏芝那輯後才睇希女這輯，所以改期至昨晚睇相。

一開始，大Zoe好友善地首先講解有執相與無執相的分別，攝影師執了幾張相作例子給我們參考，另外又做了約10張有效果的相片，接著大Zoe由頭到尾control mouse一次過全播108張相給我們睇。於播放首幾張時我已經再問大Zoe是否完全未執相的，大Zoe也確定地答我是未執相的，但相片效果已經好ok，可能因為打燈足夠，有幾張直情不用執相，影前化妝師Gigi很有心機地幫我打陰影，原來是這樣的原因呢~嘻

其實一開始睇相後，我已經心知不妙，因為真的好好好好好靚呀!!!!可能因為14-15/10於大陸影相後，20/10便到希女影相，影相既心情依然很高漲，不用warm up很耐已經很快便笑到攝影師收貨的笑客了。

之後大Zoe叫我們自己開始揀相，將要留低的加標號，我聽到後呆了一呆，未趕及作出反應時，大Zoe以為我不懂怎樣加標號，所以即時示範了例子給我睇，其實我是沒有想過會給我們自己control mouse!!!而且揀相過程中，大Zoe雖然也是坐在房內，但她全程沒有睇住我們揀，見她是在預先寫下加相的項目收費而已。

經過第一輪揀相後，揀淨了約30張 (其實已經好忍手揀，一心只想快快快手揀完12張跟住走人~)，接著再逐張翻看，將不是最靚的也cut走，第二輪揀淨15張的時候已經停了下來，有好幾張來回觀看幾次選擇取捨。

這個時候，大Zoe開始出場喇，她開始加入我們的對話，看見我們這麼快便揀淨15張，她都覺得我們揀相算是揀得快。原來我剛才見她寫下的項目收費便是於這個時候使用的 ; 她知道我因為要買相soft copy一買便要先買首12張而嚇怕了，所以她首先講解free package另買soft copy是$178@ (另計執相$80@)，即是說我想買首12張便要付$2136!!!

接著，大Zoe便提出令我不可抗拒的offer!!!!!!!

一心不打算買相的我們，最後還是心甘情願地接受offer，而且是接受了再upgrade的offer呢....

首先，第1個offer是買首12張相，價錢當然比逐張買便宜，有少少折頭吧，接著第2個offer是買18張相，有細相簿仔 ; 豬頭聽到這裡已經立即想要第2個offer，因為真係cut不到只要12張相，哈哈，很少有地豬頭不是拋個波給我決定的，我還未表態時豬頭已經表示買相!!!抵錫豬頭~嘻....不過亦是因為影得很靚的關係，豬頭才有這舉動。

大Zoe睇得出豬頭對於第2個offer是欣然接受，所以再比多個upgrade offer，就是4油畫加連框及相簿加coating。

<<我原本的是free package，除了12張散相外，包1油畫不連框(呎吋好似是20" x16")，另外仲有一張大相 (呎吋好似是10" x 8") & 2相 5"x7"相，即是總共有4張不連框~>>

正當我考慮是否加錢upgrade 油畫連框及相簿仔加coating時，豬頭已經主動決定照加!!! 我好驚訝，因為他之前未試過有這樣的反應，可想而知這輯相真的影得很靚很靚呀~!~!~!~!~!!!

接著，我們興高采烈地揀油畫框，大Zoe讓我們任揀畫框沒有分grade，今次很快手便決定了，因為全程由豬頭決定，我只是當agree的角色!!!

期間，大Zoe還以煌仔的相簿作介紹，其中有一本是水晶相簿面，即是中間打開，再兩邊揭開睇相的，每張相是有少少銀底及令面，好靚架，不過大Zoe說趕不及我婚期前取這款相簿，所以我沒有問價。

最後，由開始不打算買相，只是打算快快手揀完12張走人 ; 到最後upgrade了買18張相入相簿連coating及加油畫框，到底是我們定力不足還是營業部經理大Zoe的銷售技巧犀利呢??!!!哈哈，其實說到底是因為希女這輯相真的影得好靚呀!!!!~

暫時來說，最滿意是希女這輯相的!!!至於還有一輯未影的法國婚紗，我不存厚望，只求順利拍攝，因為取製成品已是婚期之後了。

昨晚臨走前，苦求了大Zoe paper print 18張相給我，好讓我可以預先盤算會否以其中一些相做其他的項目呢~

18張相的pre-view，只限朋友仔於下一篇率先欣賞啊!!!